Ayrıntılar

İslam Məktəbi tarafından yazıldı.

Kategori: İslam və Qərb

19 Nisan 2014 tarihinde yayınlandı.

Gösterim: 2521

Kullanıcı Oyu: 0 / 5

 Bəşər övladının anası olan qadın, tarix boyu müxtəlif ağrı-acılı müsibətlərə tab gətirmək məcburiyyətində qalmışdır. İstər ruhi və istərsə də fiziki cəhətdən təzyiqlərə məruz qalmış,  çəkdiyi zəhmətlər və əziyyətlərin müqabilində təşəkkürə layiq görülmək əvəzinə, çox vaxt əzilmiş, sui-istifadə olunmuş, təhqir edilmiş və bəzi cəmiyyətlərdə utanc simvoluna çevrilmişdir. İlahi dinlərin və məsum rəhbərlərin daim qadının dəyəri və ailədəki, cəmiyyətdəki mühüm rolu haqda dəfələrə insanları maarifləndirməsinə baxmayaraq, bir müddət sonra, yenə insanlar öz yanlış düşüncələrinə və əməllərinə davam etmişdir. İslamın yeni yarandığı dövrdə də, dünya ictimaiyyətinin nəzərində qadına qarşı iki ümumi fikir mövcud idi:
 1. Bəziləri qadını insan saymır və onlara görə qadın cəmiyyətin üzvü hesab olunmurdu.  Lakin müxtəlif işlərlə əlaqədar olaraq kölə kimi saxlanılır, istismar olunurdu. Misal üçün nəslin artımında, əyləncələrdə və sair işlərdə onlara ehtiyac duyulurdu
2. Birinci qrupa nisbətən, guya mədəni sayılan başqa qrupun fikrincə isə, qadın cəmiyyətin natamam üzvü hesab edilirdi. Qadına hətta şüursuz uşaq, yaxud bir əsir kimi baxılırdı və onun bütün hüquqları kişilərin ixtiyarında idi. Qadını ilk dəfə dünyada cəmiyyətin kamil üzvü sayan və onu həqiqi mənada qiymətləndirən məhz islam dini olmuşdur.
Burada istərdik ki, islamın qadına verdiyi dəyəri və onun hüquqlarını nə həddə tanımasını əziz peyğəmbərimiz  Həzrət Məhəmmədin (s) kəlamlarında araşdıraq: