Yazarlar
- Ayrıntılar
- İslam Məktəbi tarafından yazıldı.
- Kategori: Sual-cavab
- Gösterim: 9303
Sual:
1-Bankda maliyyə şöbəsində işləmək olarmı ? (kredit şöbəsi deyil)
2-Bank olmayan kredit təşkilatlarında işləmənin hökmü nədir? (Maliyyə departamenti)
Cavab:
1-Bankın o şöbələri ki, faiz (riba) və ya sələmli hesab olunan şöbələriylə əlaqəsi yoxdur, o yerlərdə işləyib pul almaq haram deyil...
2- Bank olmayan kredit təşkilatlarında o halda işləmək olar ki, o təşkilatlar sələm və ya faiz məqsədli təşkilatlardan olmasın.
( Sual edən Ayətullah Vəhid Xorasaninin müqəllidi olduğu üçün cavabalar Ayətullah Vəhid Xorasaninin fətvalarına əsasən verilib )
- Ayrıntılar
- İslam Məktəbi tarafından yazıldı.
- Kategori: Sual-cavab
- Gösterim: 5777
Sual:
Salamun aleykum!
Bir şəxsə borcum var və həmin şəxsi axtarıram ancaq tapa bilmirəm, yaşadığı ünvanı da bilmirəm. Halallıq olması üçün neynəməliyəm?
Cavab:
Aleykum salam!
Gərək həmin şəxsi gözləyib və eyni zamanda axtarmalısız ki, borcu ya özünə yaxud da varisinə verəsiz deyə. Ancaq əgər həmin şəxsi tapmaqdan ümüdünüz kəsilsə bu zaman həmin pulu sahibi tərəfindən sədəqə verməlisiz.
- Ayrıntılar
- İslam Məktəbi tarafından yazıldı.
- Kategori: Sual-cavab
- Gösterim: 5873
Sual:
Salam aleykum!
Hicabda qara rəngli geyimlərdən istifadə etmənin yaxşı olmadığını deyirlər.Bu haqda Quranda ayə olduğunu söylədilər. Əgər mümkünsə bu haqda aydınlıq gətirəsiniz. Hicabda hansı rəngli geyimlər geyinmək yaxşı olar? Allah razı olsun.
Cavab:
Aleykum salam!
Öncəliklə qeyd etmək istərdik ki, Quranda hicabın vacibliyi və necə bağlanmasına işarə olunub. Ancaq hicabın rənglərinə aid bir şey qeyd olunmayıb. Və rəng seçimi isə xanımların öz ixtiyarına və zövqünə aid bir məsələdir. Amma bir məsələni də diqqətə almaq lazımdır ki, gərək istifadə olunan rənglər naməhrəmləri özünə cəzb etməsin. Qara rənglər haqqında isə dini rəvayətlərə nəzər salsaq bu rəngdən istifadə edilmənin məkruh (bəyənilməyən) olduğunu görürük, ancaq bu haqda başqa hədislərə nəzər saldıqda isə bunun yalnız kişilərə aid olduğunu görürük və xanımların istifadəsi məkruh deyil.
- Ayrıntılar
- İslam Məktəbi tarafından yazıldı.
- Kategori: Sual-cavab
- Gösterim: 5378
Sual:
Salam!
İnternetdə qızla oğlanın çatlaşması günahdırmı? Sadəcə salam verib və dini sual-cavab etmək kimi şeylərə icazə varmı? Zəhmət olmasa cavablandırardınız.
Allah razı olsun.
Cavab:
Naməhrəmlə çatlaşmaq əgər lazımlı və zəruri bir məsələ üçün olsa (misal olaraq şərii suala cavab vermək) və çatlaşmada ləzzət almaq qəsdi və şəhvətin oyanmasına səbəb olan sözlər olmasa zərurət miqdarında çatlaşmaq olar. Amma əgər çatlaşmaq cinsi ləzzət almaq üçün və fəsada səbəb olsa haramdır.
(Bu fətva Ayətullah Xamneinin fətvasına əsasəndir və əgər təqlid etdiyiniz müctəhid fərq edirsə adını yazın.)
Allaha əmanət olun!
- Ayrıntılar
- İslam Məktəbi tarafından yazıldı.
- Kategori: Sual-cavab
- Gösterim: 5075
Sual:
Salam!
Dırnaqların uzun olması dəstəmazı batil edirmi?
Cavab:
Salam!
Dırnaqların uzun yaxud qısa olması dəstəmazı batil etmir və dəstəmaz almaq üçün də maneəsi yoxdur. Amma əgər dırnaqlarda suyun qarşısını alan nəsə olsa o zaman dəstəmaz batil olur.
Allaha əmanət olun!